أطيب كيكة من ايدي

أطيب كيكة من ايدي
السلام عليكم ورحمة الله وبركاته





مرحبا حبيباتي الحلوات يارب الكل بخير



أمس طلبت مني بنتي نور الغالية اسويلها كيكة وعلى شرط اني تساعدني بخلط الكيكة كلتلها ميخالف يلة تعاي ههههههههههه وطلعت كلش طيبة وهشة


هسة ندخل بالمقادير


3 بيضات
2 كوب طحين
نصف كوب زيت سائل
كيس واحد بكنك باودر
رشة ملح
ربع كوب كاكاو بودرة
كوب شكر
ملعقة اكل عصير ليمونة
برشة قشر ليمون وقشر البرتقال
رشة هيل مطحون نصف ملعقة صغيرة

طريقة العمل

ننخل الطحين مع البكنك باودر ورشة الملح ونخليه على صفحة

بعدين نخلط بالخلاطة اليدوية 3 بيضات خلط جيد بعدين نضيف الشكر ونخلط زين ثم نضيف الزيت وهم نخلط نخلط بعدين نضيف عصير الليمون وبرش الليمون والبرتقال ورشة هيل مطحون
نظل نخلط كلش زين

هسة نجي نضيف شوية شوية الطحين والحليب لحد ما تخلص الكمية ونظل نخلط سوية وتصير العجينة نصف سائلة مو كلش خفيفة

اخذت بايركس ودهنته ضفت نص الخليط والنصف الثاني ضفت وياه بودرة الكاكاو وبديت اخلطه وبعدين ضفته على النصف الاول من خليط الكيك وشوية ساويته اللون الابيض والجوزي بالبايركس ودخلته للفرن لنصف ساعة وطلعت بهذا الشكل

وعذروني ما صورت كل الخطوات لان ماكنت متوقعة حتطلع هيج طيبة






وهنا بعد ما قطعتها










جربوها وان شاء الله تعجبكم


لا احلل النقل او النسخ الا بذكر مصدر عراقيات



اسألكم الدعاء بالسلامة والستر والعافية لي ولعائلتي

وشكرا

اختكم أم نور