لايفوتكم طريقة عمل الجبنه الكيري والكاسات في المنزل

[color=darkblue][ بسم الله الرحمن الرحيم
الكميه هتديكى كوبايه ونص جبنه:


كوبايه لبن
معلقة خل
حطى الحليب على النار لحد ما يغلي
حطى الخل حتلاقيه راب و اتكتل وبعدين تطفي النار
جهزى مصفاة بلاستيك او مصفاه الخلاط
وحطى جواها شاشه او قماشه قطن او ايشارب قديم
وكبى اللبن عليها واستنى لحد ما يتصفى

اللى فاتت دى طريقة عمل الجبنه العاديه هى زى الجبنه القريش ممكن تحطيها فى التلاجه وتاكليها بعد حوالى اربع ساعات
تحففففففففه
لو عاوزه تحوليها لجبنه كاسات

حطى الجبنه اللى اتكونت عندك في الخلاط وعليها شوية ميه صغيرين
وحوالى معلقتين كبار زبده
صفرا او بيضا لو زبده صفرا هتطلع لك الجبنه اصفره
لو الزبده بيضا هتطلع لك ابيضه
وانتى وزوقك يا قمر بس حاولى تطلعى الزبده من التلاجه قبلها بفتره عشان وانتى بتضربيها متكونش تقيله على سكينة الخلاط
ومعلقتين قشطه وكل ما زودتى القشطه كل ما طلعت اطعم معاكى بس متزوديش اوى يعنى

ملح وممكن تضيفى اى نكهه انتى عاوزاها فلفل حار او حبة البركه او زعتر
واضربيهم فى الخلاط ضربا مبرحا
وبعدين حطيهم فى برطمان ازاز
واحفظيهم فى التلاجه
حتاكلي احلى جبنه كاسات
طريقة عمل الجبنه الكيرى

كلها على البارد مش هنستخدم النار خالص
كوبايه لبن بودره نيدو او اى لبن مجفف يكون كويس
قطعة جبن واحدة من لافاش كيرى
3 معالق زبدة
ليمونة متوسطة
كوبايه حليب سائل
الطريقة

ناخد الزبدة ونذوبها ونتركها تبرد

وناخد الحليب السائل نضعه فى الخلاط ونضيف

عليه الزبدة المذابة

ونضربهم كويس اوى وبعدين نحط اللبن البودره ونضرب
وبعدين قطعة

لافاش كيرى

ونضرب بالخلاط

وبعد ما نضرب نضيف عصير اللمونه نقطه نقطه واللمون ده عشان يحفظها ومتبوظش بسرعه وبرده بيساعد عشان اللبن يتحول لجبنه

وخلى الخلاط شغال

لحد ما تتماسك معاكى شويه شويه وهتكون زى الجبنه السايله كده


وبعدها تكونى مجهزه قالب مكعبات التلج وتحطى فى كل واحد قطعة فويل
او تجيبى علب بلاستيك صغنونه اى شكل وتحطى جواها فويل وتصبى عليها الجبنه وبعدين تحطيها فى التلاجه لحد ما تتماسك وتقفلى الفويل بعد كده
بس بصراحه الطريقه دى لقيتها متعبه اوى انى اغلف كل حته لوحدها
فابقيت بحطها فى علبه بلاستيك مستطيله
واغطيها كويس واقطع منها بالسكينه
وممكن تكليها فى اى وقت

ومدة الصلاحية فى الثلاجة اسبوع

بس مين حيسيبها اسبوع

لذيذة جدا

ومدة التحضير مبتاخدش عشر دقايق